امامعلی رحمان، رییسجمهوری تاجیکستان، امروز دوشنبه ۱۰ جدی/دی، با جنرال محمد عاصم مالک، رییس سازمان استخبارات نظامی پاکستان-آی اس آی، در شهر دوشنبه پایتخت تاجیکستان دیدار کرده است.
آیاسآی، یکی از قدرتمندترین نهادها در دولت پاکستان است که نفوذ زیادی در امور نظامی، سیاست داخلی و روابط بینالمللی پاکستان دارد. رییس این نهاد نیز همواره در پاکستان از پرقدرتترین مقامها به شمار میرود.
امام علی رحمان، پس از دیدار با رییس آی اس آی، گفته که روابط سیاسی دو کشور «باثمر» است. او دیوار اعتماد میان دو کشور را «بلند» توصیف کرده است.
با این حال جزئیات بیشتری از این گفتوگو منتشر نشده است.
دفتر مطبوعاتی ریاست جمهوری تاجیکستان، در خبرنامهای گفته که دو مقام بر تقویت همکاری تاجیکستان و پاکستان در زمینه مبارزه با تروریزم، افراطگرایی، قاچاق مواد مخدر و جرایم فراملی تأکید کردند.
رییسجمهوری تاجیکستان، بر همکاری امنیتی میان دو کشور تاکید کرده و گفته که تماس دائم مسئولان امنیتی به نفع تاجیکستان و پاکستان است.
سفر رئیس آی اس آی در حالی به تاجیکستان صورت گرفته، که پاکستان در این روزها درگیر تنشهای مرزی با طالبان افغانستان است و طالبان پاکستان نیز حملات ضد دولتی خود را تشدید کردهاند.
مقامهای پاکستان و تاجیکستان در گذشته نیز نشستهای متعددی با هم داشته و از وجود تهدیدهای مشترک امنیتی دو کشور و لزوم مبارزه مشترک با آن تاکید کردهاند.
تاجیکستان نگران گسترش فعالیت گروههای تروریستی در افغانستان است و خواستار اقدامات منطقهای برای دفع این تهدیدات شده است.
