رسانهها گزارش دادهاند که در یک حمله تروریستی در مرز افغانستان-تاجیکستان، یک شهروند چینی کشته شده و پنج تن دیگر شامل ۴ شهروند چین و ۱ شهروند تاجیکستان زخم برداشتهاند.
بربنیاد گزارشها، این رویداد روز دوشنبه، ۲۸ عقرب/آبان، در منطقه «شمسالدین شاهین» در نزدیکی مرز افغانستان – تاجیکستان هنگامی رخ داده که تروریستان، از خاک افغانستان وارد تاجیکستان شده و به یک معدن طلا حمله کردهاند.
قربانیان این رویداد همه کارگران معدن طلا بودهاند.
مسوولیت این حمله را تا هنوز گروهی به عهده نگرفته است.
قبلا گروه تروریستی جماعت انصارالله تاجیکستان مسوولیت حملات این چنینی را در این منطقه به عهده میگرفت.
تاجیکستان و کشورهای آسیای میانه بارها نگرانیهای خود را از گسترش تروریزم از افغانستان به آسیای میانه مطرح کرده و برای جلوگیری از آن طرح ایجاد کمربند امنیتی را پیشنهاد کردهاند.
