منابع محلی در بدخشان به رسانه‌ها گفته‌اند که در درگیری روز گذشته میان طالبان و مرزبانان تاجیکستان ۴ تن کشته شده و ۷ تن دیگر زخمی شده‌اند.
به گفته منابع، در این درگیری که در شهرستان/ولسوالی «شهر بزرگ» بدخشان به وقوع پوسته ۲ شهروند چین، یک عضو طالبان و یک نیروی امنیتی تاجیکستان کشته شده‌اند. ۴ عضو طالبان و ۳ نیروی مرزی تاجیکستان در این درگیری زخمی شده‌اند.
پیش‌تر رسانه‌ها به نقل از منابع محلی از وقوع درگیری میان جنگ‌جویان گروه طالبان و مرزبانان تاجیکستان در روستای«پایان مور» شهرستان«شهربزرگ» بدخشان خبر داده بودند.
دلیل وقوع این درگیری، تخریب بستر رود آمو و تغییر جهت آب از سوی شرکت‌های چینی پیمان‌کار طالبان عنوان شده است.
در گذشته نیز چندین مورد درگیری مرزی میان طالبان و تاجیکستان گزارش شده است. اما درگیری اخیر در حالی گزارش شده که طالبان و تاجیکستان در تلاش بهبود روابط خود هستند. یک روز پیش والی طالبان در بلخ به تاجیکستان رفت و با مقام‌های امنیتی این کشور در مورد مسایل امنیتی گفت‌وگو کرد.
طالبان هفته پیش با نیروهای مرزی پاکستان نیز درگیری داشتند.