ولادیمیر پوتین، رییس جمهوری روسیه، پس از گفتوگو با امام علی رحمان رییس جمهوری تاجیکستان گفته همکاری کشورش با تاجیکستان در امر مبارزه با تروریزم و مواد مخدر گسترش مییابد.
پوتین با بیان اینکه تهدیدها و چالشهای امنیتی برخاسته از افغانستان به آسیای میانه، بر روسیه تاثیر میگذارد، گفته که«برای ارتقای صلح و ثبات در آسیا، روسیه همکاریهای مبارزه با تروریزم و مواد مخدر را با تاجیکستان گسترش خواهد داد»
وی افزوده که روسیه تصمیم دارد همکاریهای دفاعی، نظامی و فنی، مبارزه با تروریزم و مواد مخدر را بیشتر کند.
رییس جمهوری روسیه با اشاره به ایجاد یک پاسگاه مرزی در منطقه کوهستانی تاجیکستان در اواخر سال ۲۰۲۳ گفته است: «امروز ما توافق کردیم که به همکاری در این زمینه ادامه دهیم.»
کشورهای آسیای میانه، بهویژه تاجیسکتان، بارها دربارهی گسترش تروریزم و فعالیت گروههای تندرو در شمال افغانستان ابراز نگرانی کردهاند.
نیروهای روسیه از دیر زمانی در مرزهای تاجیکستان با افغانستان مستقر هستند و بخشی از وظایف تامین امنیت مرزی به عهده آنان است.
پوتین در حالی از گسترش همکاریهای کشورش با تاجیکستان در زمینه مبارزه با چالشهای امنیتی برخاسته از افغانستان تاکید کرده که اخیرا در شبکههای اجتماعی ویدیویی ها شد که در آن فرماندهان طالبان در تخار و بدخشان از آمادگی به حمله به تاجیکستان سخن میگویند.
تاجیکستان یگانه کشوری در منطقه است که تعامل رسمی با طالبان ندارد و دفتر مرکزی جبهه مقاومت ضد طالبان در آن مستقر است.
