منابع محلی در ولایت شمال شرقی بدخشان می‌گویند که جنگ‌جویان طالبان یک دادستان حکومت پیشین به نام اکرام‌الدین را در این ولایت تیرباران کرده‌اند.
به گفته منابع، دادستان اکرام‌الدین باشنده شهرستان/ولسوالی بهارک بوده و روز گذشته چهارشنبه،۱۹جدی/دی، در این شهرستان از سوی افراد طالبان کشته شده است.
نزدیکان دادستان اکرام‌الدین گفته‌اند که او در حکومت پیشین به حیث دادستان در ریاست امنیت ملی ولایت بدخشان وظیفه اجرا می‌کرد اما با روی کار آمدن طالبان، به کشاورزی روی آورده بود.
گزارش‌های متعددی از کشتار کارمندان دولت پیشین و نظامیان پیشین توسط طالبان به نشر رسیده است.