امامعلی رحمان، رییس جمهوری تاجیکستان، در دیدار با ولادیمیر پوتین، رییس جمهوری روسیه در لیننگراد، از روسیه به عنوان شریک استراتیژیک اصلی تاجیکستان یاد کرد.
آقای رحمان که به منظور اشتراک در نشست غیررسمی سران کشورهای مستقل مشترکالمنافع در سنپترزبورگ به روسیه رفته است، با اشاره به مسائل امنیتیای که منطقه و جهان را تحت تاثیر قرار داده است، گفت: «روسیه شریک استراتژیک اصلی تاجیکستان است.»
خبرگزاری ریانووستی گزارش داده که ولادیمیر پوتین رییس جمهوری روسیه نیز در دیدار با امام علی رحمان، تاجیکستان را متحد قابل اعتماد روسیه خوانده است.
به گزارش ریانووستی پوتین گفته که«فدراسیون روسیه در بین شرکای تجاری و اقتصادی تاجیکستان رتبه دوم را از نظر سرمایهگذاری دارد و رابطه اقتصادی میان دو کشور» همچنان رو به افزایش است.
روسای جمهوری روسیه و تاجیکستان در رابطه به نگرانیهای ناشی از گسترش ترورزیم در افغانستان و اوضاع امنیتی منطقه نیز گفتوگو کردهاند.
روسیه و تاجیکستان روابط گسترده و استراتیژیک با هم دارند اما به نظر میرسد که درمورد افغانستان میان این دو کشور اختلاف نظر وجود دارد.
روسیه در این اواخر، موضوع حذف نام طالبان از فهرست گروه های تروریستی را در دستور کار قرار داده که با توجه به روابطه تیره تاجیکستان و طالبان، این موضوع برای تاجیکستان مایه نگرانی باشد.
کشورهای مستقل مشترکالمنافع یا اتحادیه کشورهای مستقل همسود (سیآیاس)که تاجیکستان و روسیه نیز در آن عضویت دارند، یک سازمان منطقهای بیندولتی در اوراسیا است که پس از فروپاشی اتحاد جماهیر شوروی در سال ۱۹۹۱ تشکیل گردید.
