یوری اوشاکوف مشاور، ولادمیر پوتین رییس جمهوری روسیه، امروز در یک نشست خبری گفت که فردا رییس جمهوری روسیه با رییس جمهوری امام علی رحمان رییس جمهوری تاجیکستان در مسکو دیدار نموده و ضمن گفت‌وگو در مورد همکاری‌های اقتصادی و نظامی، در مورد وضعیت افغانستان نیز گفت‌وگو می‌کنند.
آقای اوشاکوف توضیحات بیشتری در این زمینه ارایه نکرده است.
تاجیکستان و روسیه برغم روابط گسترده و دوستانه دیرینه‌ای که با هم دارند، در مورد افغانستان توافق نظر چندانی ندارند.
تاجیکستان با طالبان رابطه ندارد و از مخالفان مسلح طالبان به رهبری احمد مسعود حمایت می‌کند.
روسیه اما در تعامل با طالبان است و اخیراً بحث بیرون کردن نام طالبان از فهرست گروه‌های تروریستی روسیه نیز در محافل سیاسی این کشور مطرح شده و پارلمان روسیه آن را مورد تایید قرار داده است.
با این حال، هم روسیه و هم تاجیکستان از فعالیت گروه‌های تروریستی در افغانستان بارها ابراز نگرانی کرده‌اند. این نگرانی‌ها بییشتر از جانب کشورهای آسیای میانه، به ویژه تاجیکستان مطرح شده و روسیه نیز گفته که در این نگرانی‌ها سهیم است و برای امنیت متحدین خود در آسیای میانه اقدامات ضروری را روی دست خواهد گرفت.
مشاور پوتین: امام علی رحمان و پوتین فردا در باره افغانستان گفت‌وگو می‌کنند
