رسانههای تاجیکستان گزارش دادهاند که مأموران مرزی این کشور در یک عملیات شبانه، یک قاچاقچی افغانستانی را با محمولهای از مواد مخدر در نزدیکی مرز دستگیر کردند. گفته شده که سه همدست متهم فرار کردهاند.
در گزارشها آمده که نیروهای مرزی مستقر در پاسگاه «دارکَد» در منطقه ختلان، از ورود غیرقانونی یک گروه چهار نفره قاچاق مواد مخدر به تاجیکستان جلوگیری کردند.
گفته شده که در جریان این عملیات، سربازان مرزی مسیر حرکت مجرمان را شناسایی و محموله آنان را توقیف کردند و یک قاچاقچی ۴۵ ساله، ساکن روستای میدپتا از شهرستان درقد ولایت تخار افغانستان را به همراه ۴۶ بسته حشیش دستگیر کردند.
حدود یک ماه پیش نیز، پنج قاچاقچی مواد مخدر اهل افغانستان با نیروهای مرزی تاجیکستان درگیری مسلحانه داشتند که در نتیجه آن، سه قاچاقچی کشته و دو نفر دیگر فرار کردند. اداره مبارزه با مواد مخدر تاجیکستان اعلام کرد که در این رویداد، مقادیر قابل توجهی سلاح و مواد مخدر توقیف شد.
چند روز پیش اداره مبارزه با مواد مخدر تاجیکستان اعلام کرد که نیروهای مبارزه با مواد مخدر این کشور در طول سال ۲۰۲۵ هفده درگیری با باندهای قاچاق داشتهاند. طبق گزارش این اداره، ۵۳ درصد قاچاق مواد مخدر از افغانستان به تاجیکستان در سال گذشته میلادی افزایش داشته است. طالبان مدعیاند که مواد مخدر در افغانستان صفر شده است.
تاجیکستان از بازداشت یک قاچاقچی در مرز افغانستان خبر داد
