منابع محلی در ولایت بدخشان به رسانهها گفتهاند که در درگیری روز گذشته میان طالبان و مرزبانان تاجیکستان، ۲ تن از مرزبانان تاجیکستانی و دو عضو طالبان کشته شدهاند.
به گفته منابع، این درگیری روز گذشته چهارشنبه، ۳ جدی/دی، در شهرستان/ولسوالی «شهر بزرگ» بدخشان به وقوع پیوسته است.
دلیل اصلی این درگیری تاکنون مشخص نشده است. طالبان و تاجکستان هم در این باره اظهار نظری نکردهاند.
چندی پیش نیز در درگیری میان جنگجویان گروه طالبان و مرزبانان تاجیکستان در روستای«پایان مور» شهرستان«شهربزرگ» ۲ شهروند چین، یک عضو طالبان و یک نیروی امنیتی تاجیکستان کشته و ۴ عضو طالبان و ۳ نیروی مرزی تاجیکستان زخمی شدند.
در این اواخر رویدادهای امنیتی در مرز افغانستان و تاجیکستان افزایش یافته است.
حدود یک ماه پیش دولت تاجیکستان اعلام کرد که در نتیجه حملات پهپادی از خاک افغانستان چند شهروند چین در خاک تاجیکستان کشته شدند. طالبان حمله را به گروههایی نسبت دادند که به گفته این گروه در صدد اخلال امنیت منطقه هستند.
تاجیکستان بارها از افزایش تهدیدهای امنیتی در مرزش با افغانستان ابزار نگرانی کرده و خواهان تقویت تدابیر امنیتی در مرز از سوی کشورهای آسیای میانه شده است.
درگیری اخیر در حالی به وقوع پیوسته که اخیراً گزارشهایی در مورد تلاش تاجیکستان برای بهبود روابط با طالبان به نشر رسیده است.
طالبان در مرز پاکستان نیز درگیری و تنش دارند و مرز پاکستان از بیش دو ماه به این سو بسته است.
