رسانههای پاکستان گزارش دادهاند که روز جمعه، ۲۸ قوس/آذر، مراسم ویژهای به مناسبت گشایش هفته فرهنگی تاجیکستان در اسلامآباد پاکستان برگزار شد که در آن آصفعلی زرداری، رییس جمهوری پاکستان نیز حضور یافت.
هفته فرهنگی تاجیکستان که دربرگیرنده برنامههایی چون نمایشهای هنری، موسیقی سنتی، رقصهای محلی و معرفی جلوههایی از میراث فرهنگی این کشور میشود، بهصورت رسمی در شورای ملی هنرهای پاکستان (PNCA) در اسلامآباد گشایش یافته است.
خبرگزاری پاکستان تودی، گزارش داده که در این مراسم، علاوه بر رییس جمهوری پاکستان، وزیر فرهنگ جمهوری تاجیکستان، و اورنگزیب خان خیچی، وزیر فدرال میراث ملی و فرهنگ پاکستان، حضور داشتند.
مقامهای دو کشور، این رویداد فرهنگی را گامی مهم در راستای تحکیم روابط دوستانه، تقویت همکاریهای فرهنگی و نزدیکی میان ملتهای پاکستان و تاجیکستان عنوان کردهاند.
در سالهای اخیر روابط تاجیکستان و پاکستان گسترش یافته است و مقامهای دو کشور دیدوادیدهای زیادی از پاکستان و تاجیکستان داشتهاند.
تاجیکان بخشی از جامعه پاکستان را تشکیل میدهند.
تاجیکان پاکستان تاکید ویژهای بربازیابی هویت فرهنگی-تمدنی خود دارند.
