تیمهای فوتسال افغانستان و ایران که ساعت ۳ پس از چاشت امروز، ۱۵ عقرب/آبان، در شهر ریاض عربستان سعودی با هم به رقابت پرداختند، با نتیجه مساوی ۲-۲ این رقابت را به پایان بردند.
این رقابت در چارچوب جام همبستگی کشورهای اسلامی برگزار شد.
افغانستان در گروه ب با کشورهای ایران، مراکش و تاجیکستان در این رقابتها اشتراک کرده است.
در رقابت تیم افغانستان و تاجیکستان که روز سهشنبه هفته جاری برگزار شد، افغانستان با نتیجه ۹ بر ۵ در برابر تاجیکستان برنده شد.
قرار است روز شنبه هفته آینده تیم فوتسال بزرگسالان افغانستان با تیم مراکش به رقابت بپردازد.
تیم مراکش قهرمان فوتسال قاره افریقا است.
تیم ایران قهرمان فوتسال قاره آسیا است.
چند روز پیش تیم نوجوانان زیر ۱۷ سال فوتسال افغانستان با نتیجه ۲ بر ۱ در مقابل ایران برنده شد.
افغانستان و ایران در رقابتهای فوتسال جام همبستگی کشورهای اسلامی مساوی کردند
