پس از آنکه منابع محلی، روز یکشنبه، از وقوع درگیری مرزی میان طالبان و تاجیکستان خبر دادند، رسانهها ویدیویی را نشر کردهاند که در آن فرمانده نیروهای مرزی تاجیکستان با شماری از طالبان گفتوگو دارند و همدیگر را متهم به حمایت از مخالفان مسلح میکنند.
گفته شده که این گفتوگو در منطقه مرزی داونگ در شهرستان/ولسوالی شهر بزرگ ولایت بدخشان افغانستان انجام شده است.
منابع محلی به رسانهها گفتهاند که درگیری روز یکشنبه پس از آن رخ داد که شرکتهای چینی در جریان کار استخراج معدن، به تخریب بستر دریای آمو پرداختند.
شفیقالله حفیظی، رییس معادن طالبان در بدخشان در دیدار با فرمانده نیروهای مرزی تاجیکستان میگوید که تاجیکستان ۳۵۰ مخالف مسلح این گروه را آموزش میدهد.
مقامهای طالبان و تاجیکستان تاکنون در این مورد رسما اظهارنظر نکردهاند.
طبق گزارشها، در جریان درگیری میان طالبان و نیروهای مرزی تاجیکستان، یک عضو طالبان کشته و چهار نفر دیگر زخمی شدهاند.
طالبان و تاجیکستان پس از درگیری با هم گفتوگو کرده و همدیگر را متهم به حمایت از مخالفین کردند
