سازمان پیمان امنیت جمعی، در خبرنامهای از دیدار ایمانقلی تاسماگامبتوف، دبیر کل این سازمان با امام علی رحمان، رییس جمهوری تاجیکستان و گفتوگو در مورد تقویت امنیت مرزهای تاجیکستان و افغانستان خبر داده است.
بربنیاد این خبرنامه، دو طرف پیرامون برنامه هدفمند بین دولتی اعضای سازمان پیمان امنیت جمعی برای تقویت امنیت مرز تاجیکستان و افغانستان گفتوگو نموده و تاکید ویژهای به اجرایی کردن این برنامه نمودهاند.
دبیر کل سازمان پیمان امنیت جمعی در سفر به شهر دوشنبه، با امام علی صابرزاده، وزیر دفاع جدید تاجیکستان نیز دیدار جداگانه داشته و در مورد تدابیر امنیتی مرزی با او گفتوگو کرده است.
آقای تاسماگامبتوف پیشتر گفته بود که برنامه تقویت مرز تاجیکستان با افغانستان در سال ۲۰۲۵ آغاز میشود که شامل اقدامات خاصی با هدف تضمین امنیت کشورهای عضو سازمان پیمان امنیت جمعی است.
طبق اطلاعاتی که سازمان پیمان امنیت جمعی ارائه کرده، برنامه تقویت مرز تاجیکستان با افغانستان در سه مرحله و یک دوره اجرایی پنج ساله طراحی شده است.
این در حالی است که روز گذشته، وزارت دفاع روسیه در خبرنامهای گفت که نیروهای نظامی این کشور و تاجیکستان با هدف آمادگی برای مبارزه با تروریستها در مناطق کوهستانی، در نزدیکی خاک افغانستان یک رزمایش مشترک چهار روزه(از ۱۸ تا ۲۲ فروردین) برگزار کردهاند.
وزارت دفاع روسیه اعلام کرده که در این رزمایش در میدان حرب تاجیکستان، از پهپاد اورلان-۱۰، تانک، توپخانه و هلیکوپتر امای-۲۴ استفاده شده است.
تاجیکستان و اعضای سازمان پیمان امنیت جمعی بارها نگرانی خود را از گسترش تروریزم در افغانستان و احتمال نفوذ گروههای تروریستی به آسیای میانه ابراز داشته و خواهان توجه جدی منطقهای به این چالشها شدهاند.
